影片
更多
2023-08-20
2986 浏览
呢间系要有会藉先可订枱，而咁啱朋友话有会藉，咁梗系要一试啦。 因为都听过好多朋友话好食， 叫左好多样野食，而且真系样样都有水准，好好食，真心可以再黎试。小食叫左猪手，臭豆腐，水晶肴肉， 烟熏蛋，个猪手好入味，爽口， 干净无咩毛，亦唔会剩系得骨。臭豆腐好有以前街边食既口味，臭同埋好食，外皮好脆！ 水晶肴肉的肉同水晶比例都均匀，易入口，食多几点都唔会滞。小笼包既皮唔算好薄，一般厚度，但入面好多汤，感觉唔会好油腻。葱油饼入边劲多葱，好香口， 外皮脆得黎唔油，入面啲葱好似仲多过个饼咁，系我食过觉得好好食既葱油饼，不过食一块都饱饱地。另外订位时订左只八宝鸡，呢样𩠌系要提早预订先有，佢入面加左唔同材料连鸡肉酿咗糯米，几特别，都系一样唔油腻同唔会话食一件就滞，手工菜式。脆鳝都值得推介，佢系炸到脆卜卜，仲有啲蜜糖味，好好食，好似食紧薯片咁，用黎送酒好夹。甜品就点左香蕉高力豆沙，都系好食！
小食叫左猪手，臭豆腐，水晶肴肉， 烟熏蛋，个猪手好入味，爽口， 干净无咩毛，亦唔会剩系得骨。臭豆腐好有以前街边食既口味，臭同埋好食，外皮好脆！ 水晶肴肉的肉同水晶比例都均匀，易入口，食多几点都唔会滞。
小笼包既皮唔算好薄，一般厚度，但入面好多汤，感觉唔会好油腻。
葱油饼入边劲多葱，好香口， 外皮脆得黎唔油，入面啲葱好似仲多过个饼咁，系我食过觉得好好食既葱油饼，不过食一块都饱饱地。
另外订位时订左只八宝鸡，呢样𩠌系要提早预订先有，佢入面加左唔同材料连鸡肉酿咗糯米，几特别，都系一样唔油腻同唔会话食一件就滞，手工菜式。
脆鳝都值得推介，佢系炸到脆卜卜，仲有啲蜜糖味，好好食，好似食紧薯片咁，用黎送酒好夹。
甜品就点左香蕉高力豆沙，都系好食！
张贴
