影片
更多
2023-01-13
208 浏览
早排发现附近开咗间新嘅茶餐厅，于是今晚唔想煮饭就去买来试吓啦！舖头嘅装修简洁，作为茶餐厅来讲个装修都有少少文青感觉。觉得舖头嘅整体CP值几高，因为晚餐都系$50左右就有个饭可以食，仲包嘢饮。我今次叫咗一个蒜蓉汁香草鸡扒滑蛋包饭，个饭好大份够两个人食。餐厅好贴心地将啲蒜蓉汁摆喺底，咁就唔会整淋个鸡扒。个鸡扒好够脆，个蛋都煮得啱啱好唔会太过老。另外叫咗个鱼子三文鱼蛋炒饭，佢啲三文鱼食得出系烟三文鱼，个咸味配埋啲饭啱啱好，唔会太过咸，而且炒饭炒得好干身，粒粒分明。仲嗌咗个千岛酱海鲜pizza，Pizza应该系即叫即整，所以外卖都要等25分钟。不过奇怪嘅系食Pizza嘅时候唔系好觉得有海鲜哈哈🤣加咗$24叫咗个水果茶，一开始觉得有啲偏贵，不过饮落发现系好浓既茶，可以返屋企沟淡佢再饮都得。整体个茶比较酸，后尾发现啲新鲜水果仲有柠檬喺入边，如果怕酸嘅可能要谂吓啦😗😗仲加$16食咗个朱古力蛋糕，作为一餐完美嘅总结。叫左咁多野食都只系$214，CP值的确几高，有机会会再食。
舖头嘅装修简洁，作为茶餐厅来讲个装修都有少少文青感觉。
觉得舖头嘅整体CP值几高，因为晚餐都系$50左右就有个饭可以食，仲包嘢饮。我今次叫咗一个蒜蓉汁香草鸡扒滑蛋包饭，个饭好大份够两个人食。餐厅好贴心地将啲蒜蓉汁摆喺底，咁就唔会整淋个鸡扒。个鸡扒好够脆，个蛋都煮得啱啱好唔会太过老。
另外叫咗个鱼子三文鱼蛋炒饭，佢啲三文鱼食得出系烟三文鱼，个咸味配埋啲饭啱啱好，唔会太过咸，而且炒饭炒得好干身，粒粒分明。
仲嗌咗个千岛酱海鲜pizza，Pizza应该系即叫即整，所以外卖都要等25分钟。不过奇怪嘅系食Pizza嘅时候唔系好觉得有海鲜哈哈🤣
加咗$24叫咗个水果茶，一开始觉得有啲偏贵，不过饮落发现系好浓既茶，可以返屋企沟淡佢再饮都得。整体个茶比较酸，后尾发现啲新鲜水果仲有柠檬喺入边，如果怕酸嘅可能要谂吓啦😗😗
仲加$16食咗个朱古力蛋糕，作为一餐完美嘅总结。叫左咁多野食都只系$214，CP值的确几高，有机会会再食。
张贴
