成都小巷米線雞煲 (和富道) (已結業)

今晚去咗北角食鸡煲，间间舖头叫做「成都小巷米线·鸡煲」食完鸡煲之后就打边炉仲系任食添，饮品亦都系任饮。鸡煲我哋拣咗唔辣，同埋一定仲要走青（我知有好多人觉得啲葱同埋芫荽先至精华，但系冇办法我真系搞唔掂😅）通常啲鸡煲都一定系好惹味，呢度都系但系佢会甜多一点，最得意系我哋拣咗唔辣，都有花椒味但系唔辣，正👍🏻我哋好快就K.O.咗一个鸡煲，之后就加汤打边炉，配菜系自助形式，有牛肉、猪肉、大量丸类、蔬菜同埋仲有面类，大约有成三十几款任你选择，保证一定劲饱😂饮品亦都有好多选择。最后我想讲吓佢嘅CP值系非常之高，位于港岛，仲要系任饮任食，每人只不过系百几蚊，$138/1.5小时、$158/2小时、$178/2.5小时，劲抵👍🏻宜家出街食饭普普通通都过二百一个人，而且仲要系任饮任食，真系好抵食！