Undici

营业中

休息中

呢度算得上系我食过嘅楼上小舖比较有质素，对得起价钱嘅Cafe。夜晚黎到叫左两个意粉，椰香冬阴功海鲜意粉 - 唔会过于浓味，材料有唔少嘅虾、蚬肉同带子肉，椰香冬阴功香仲有少少香辣；厨师发办今日系香辣番茄海鲜意粉，比起冬阴功意粉更浓味，茄味重，青口煮得恰到好处有鲜味入口仍软滑。两碟嘅意粉都仲好挺身，好味～最抵系加$48套餐已经包括餐汤、柠茶或咖啡、一款蛋糕，加多$1有慢煮鲍鱼2只。一d都唔求其，个餐汤有樱花虾，同埋有少少香辣虾汤味；鲍鱼个日式汁甜甜地，鲍鱼好淋烟韧好食；蛋糕都算几多款，拣嘅榛子摩卡海棉蛋糕同原味芝士蛋糕都好味，尤其系海棉蛋糕软棉棉有榛子咖啡香味，个cream好香滑～而且柠茶有花香柚子香，味道清新独特。