阿叔泰麵 (積信街) (已結業)

阿叔船面 听讲佢个汤底系用30斤牛骨熬12个钟煮出嚟，确实香味好浓郁，少少甜唔会太咸。而且好多料，牛丸弹牙多汁，牛腩半肥半瘦，一啲都唔柴，同个汤底好夹。另外仲有炸猪皮嗦晒啲汁，烟韧得嚟咬落去啲汁爆晒出嚟。另外啲金边粉都好好食，好有咬口，同埋整体份量好大，抵食！泰式椰子鸡汤面 个椰子汤真系超正！！好香椰子味而且好清甜，米粉细细条可以更加充分咁吸收啲汤，每一啖都系香浓嘅椰子味🤤 仲有唔同种类嘅菇，同样好juicy，好好食。如果佢啲鸡可以浓味返少少就完美喇！肉碎生菜包 食亲泰式嘢都会叫生菜包，佢咧度嘅生菜包都好唔错。同其他餐厅唔同嘅系佢会比2块青柠你自己挤啲汁落去，个酸度可以自己调较～ 啲肉碎唔会好肥好油腻，而且加埋泰式香料同青柠酸酸哋咁，配住爽口嘅生菜真系好好食！！阿莱烧猪颈肉 猪颈肉烧得啱啱好，有啲焦香味又唔会黑晒。而且肉质弹牙爽口，入口满满嘅猪油香～ 佢仲有个特制嘅泰式酱汁，酸酸哋咁，食起嚟无咁肥腻