喜惶點心專門店

营业中

休息中

一班人通常谂唔到食咩都系去饮茶，但去晚市酒楼饮价钱又贵，幸好有d专门卖点心既铺头，干蒸牛肉烧卖皇烧卖非常足料，几乎成个都系牛肉黎。烧卖食落个味道有少少似平时d山竹牛肉球，口感弹牙，而且唔干。山竹牛肉球  牛肉球一样咁足料，同前面个牛肉烧卖皇有少少似，不过多左层陈皮既香味。鲜肉灌汤小笼包真系做到皮薄得黎入面又有汤汁，里面d猪肉馅料吸收埋d汤汁既精华，正！不过食既时候要小心d，因为太多汤汁既关系，咬落去系爆汁，而且非常热。  车仔混酱布拉肠粉无任何馅既肠粉最重要就系食肠粉本身，个酱都只系画龙点睛既部分。肠粉系非常滑，个酱系芝麻酱沟豉都已经好好味。芥末沙汁三文鱼春卷第一次食春卷系有三文鱼，加上芥末同沙律酱又意外地几夹，少左春卷又油腻感。雪山叉烧包叉烧包好足料，一咬就已经食到啖啖既肉，食落有少少流心既感觉。总括而言，点心价钱合理得黎质素又高，系用餐期间都听到有唔少街坊叫外卖，咁多街坊帮衬就知质素一定有保证啦。