薩莉亞意式餐廳 (新葵興廣場)

营业中

休息中

咁岩今日要系葵兴呢头做野，葵兴呢头好似无咩餐厅选择。Lunch就来左新葵兴广场度揾食，结果竟然发现新葵兴广场有萨莉亚。好耐无吃过萨莉亚了，就即刻拎飞等位。外面睇入去都几多人吃紧，发现好多食客都系学生来的，以为要等好耐，点知即刻就入得座了。因为萨莉亚每样野食都系细细碟，价钱又够晒平民，今次一行两人就叫多d唔同种类野食吃，可以当放题咁食！1. 蒜蓉法包：岩岩焗好，热辣辣，好香蒜蓉味！2. 8只鸡翼：热辣辣，BBQ味鸡翼好味！3. 黑椒鸡肉野菌薄饼：最钟意蘑菇既香味，加埋鸡肉岩岩好，薄饼未必一定要有蕃茄的。4. 温泉蛋芝士卡邦尼意粉：将只温泉蛋搞拌落意粉度吃，好香蛋黄味，再捞埋d芝士一齐吃，好味啊！5. 肉酱多莉亚：即系焗肉酱饭，好香蕃茄味，肉酱唔一定配意粉的，配饭都好吃！最紧要系每碟都系$30几，5碟加埋都系$140左右，抵食又好味！不过今次就无叫野饮，因为每人加$13就可以去Drink Bar任饮，但其实lunch净系想饮一杯野，任饮好似无咩用，所以就无加呢$13饮野。