芽莊越式料理

营业中

休息中

如果有天不想去太远食晏或者落大雨, CP值高的芽庄系我地必然选择。 就系呢排去得太远,好耐无帮衬,心思思挂住佢既汤河,所以同同事一齐去食。今次我地一行四人,等位差唔多10分钟,算好快了。  新年过后,消化不良,平时我会叫捞檬,今次都系食番碗热辣辣的鸡丝汤河了。 大大碗鸡丝汤河黎了。 对于食鸡丝类的野我好有要求, 唔可以煮太老,唔系会好鞋口,好似食紧鸡肉干咁,最忌用唔新鲜的鸡, 会有鸡膻味。 呢到的鸡丝我第一次食~完全符合我的要求, 而且份量又够多, 汤底又够浓,入口热辣辣,食完即时觉得个胃舒服左。 见到隔邻叫牛油鸡翼, 我地都跟住叫, 鸡翼一碟有4只, 炸得香脆, 大大只, 啖啖肉,滑捋捋, 惹味又香口,配埋辣酱更滋味,叫多碟我都食得晒成碟!呢度一碗汤河大概$70左右, 坐得够舒服,食物水平高, 因为CP值高, 经常要等位, 如果早少少落黎攞位会好D。