俺流塩らーめん (創紀之城五期(apm))

营业中

休息中

今晚约左朋友去APM食饭，朋友话想食拉面，结果就拣左这间。等位时间不耐但要齐人先入得。环境光鲜，张枱比较细，与隔离枱好近，不是慢慢坐倾计的好地方。今次拣左两碗拉面一小食，拉面份量比出面食的多，食完好饱肚，而且价值唔贵味道不错，CP值高食得过。黑蒜油熟成浓汤拉面 ($75)汤底系用猪骨鸡骨及香葱肴制汤味浓，但黑蒜味唔太突出，没有蒜味唔够惹味。叉烧一大块好厚身好咬口但边位欠香口。俺流男盛拉面 ($89)同一样汤底只系无黑蒜油，同样面面有小小柚子皮碎，柚子味好清香好突出，菠菜出奇地弹牙好食。叉烧有三块咁多，炸鸡有两件仲要好厚身大件感觉抵食，炸鸡件跟面一起浸左落碗面汤，层粉皮淋左比较可惜。两碗面都有玉子，蛋黄流心但过于流质不是我喜欢的，而蛋白不太上色腌得不够入味，大阪烧饺子 ($39)有6只饺子，饺子上满布木鱼丝，酱汁跟真正大阪烧一样有沙律酱和烧汁，味道好夹好出色，皮薄馅多一啖一口好美味。