三日月

营业中

休息中

铁板烧可以算系除咗寿司之外系香港受欢迎嘅日本菜。不过人均消费一啲都唔平，尤其是食海鲜，起码都要6、7百一位。不过今次去嘅呢间三日月，佢哋个澳洲龙虾加美国Prime肉眼薄烧套餐，只系收个好合理价钱，可以话CP值超高。呢个套餐有9道菜，前菜有个三款小点，其中有一款鸡肉刺身，十分有趣，食起上嚟有啲似烟三文鱼。主菜澳洲龙虾非常新鲜，虽然系得半只，但呢类龙虾铁板餐其他店舖可以收你$1500或以上，三日月嘅材料已经好对得住顾客。另外美国肉眼薄烧都系水准以上，就算唔系和牛，油脂分布都很平均，入口溶化。另外厨师会用龙虾壳煮返个面豉汤俾你，饮落去俾普通面豉汤甜好多。最后有一个樱花虾铁板炒饭，饭炒得粒粒分明。厨师教我哋食到一半时加入鲣鱼汤，整成茶渍饭，又系另一种风味。除咗呢个澳洲龙虾套餐，仲有一个轻食铁板烧套餐都好值得推介，尤其是食量唔多嘅人。套餐可以选纽西兰肉眼，份量刚刚好。餐厅仲有啲私人房可以一班朋友一齐，你仲可以睇住厨师煮野食。