法國小屋

营业中

休息中

落住少少雨，系元朗小巷入面见到依间特色小店。💡招牌千层芝士薯片 配沙律 $68将千层面嘅面变做薯仔片，薯仔片之间夹住满满嘅芝士，再加橄榄油去焗。啱啱焗起，热辣辣。薯仔无焗到冧pat pat，仲有一片片薯仔嘅口感，加上满满嘅芝士，几满足。焗盘细细地，旁边加上新鲜沙律，份量啱啱好，唔会太过油腻。💡 明太子蟹肉意粉 $98份量十足，足料。每一条意粉都挂住明太子酱。明太子辣辣地，再加少少蟹肉味。意粉都几creamy同香口，唔错。💡半份即焗苹果批 $48苹果批细细份甜而不腻。上面铺满一块块嘅苹果，以佢嘅苹果蓉仍然有苹果嘅口感。批皮薄身，热辣辣上枱，切起嚟好酥脆，食完唔觉得滞。特别钟意佢上面铺咗层烤过嘅杏仁片，同苹果甜甜地嘅味好夹。比起其他苹果批，依款唔系入面包嘅馅料嘅。咁样一层层上，更食得出苹果嘅香味。完全唔甜之余，仲有淡淡嘅肉桂味，几特别。💡水果茶有好多种水果，有西柚、蓝莓、士多啤梨、柠檬、奇亚籽。无加好多嘅甜味，偏纯粹嘅水果同茶味。食完主食之后，有杯清清地嘅嘢饮，几舒服。好饮嘅水果茶，唔好浪费，梗系要食晒啲水果佢🤭😆。💡Cappuccino 都算大杯，正常水准嘅Cappuccino。🍄特别欣