Deep Sea Oyster & Steak

营业中

休息中

收工想同朋友轻松聚一聚倾计，于是揾到一间位于山林道银座既格调餐厅。餐厅以黑色及深绿色为主调，而且有落地大玻璃配昏暗既灯光，相当有格调。餐厅每日都有唔同款式既生蚝，老板精心挑选而且每日直送香港，所以吸引好多客上黎试生蚝。法国Schaller 绿宝石N3入口已经有浓厚蚝味，蚝身肉质爽口而且带有矿物质味，非常新鲜。安格斯牛肉薄烧 呢个都几有惊喜，安格斯牛肉出名好食系人都知，上枱已经闻到香喷喷烧牛肉味，淋上酱汁之后，一啖咬落去好juicy，中间仲夹左啲香葱，好食👍🏻鹅肝多士呢个我同朋友share 一人一半，鹅肝上面淋左少少黑醋汁，中和左油腻感。鹅肝油香入口慢慢溶化，多士脆卜卜带牛油香味，大推❤️❤️松露蟹膏意粉松露爱好者必点！意粉挂满松露同埋蟹膏蟹肉，一上碟已经闻到好香松露味，蟹膏浓郁不腥，我同朋友极速清左呢碟意粉，大推。最后我同朋友逗留左两个钟先走，坐得好舒服，气氛昏暗又有格调，同朋友都可以好放松系度食野倾计。