早安越南 (已結業)

北角电气道出名多好嘢食，今日终于冇落雨，同老公开车出去揾野食，见到间细细间嘅越南小店，餐牌唔贵好似几吸引 因为未试过所以决定试下，到嚟就觉得装修好特别， 真系好有越南嘅感觉，其实我哋都唔系好肚饿，所以叫咗几样野试吓叫个沙律先，青木瓜沙律 ，上面铺左椰菜九层塔萝卜丝... 青木瓜丝好甜好爽脆之后叫咗个烧猪颈肉小食，睇见都觉得正，咬落去唔会觉好肥，面身脆脆地，加埋特登调配个汁好食，主菜我哋就叫咗越式海鲜蟹膏炒饭，海鲜料十足，炒饭炒得够干身之后再叫多个菜（蒜蓉炒椰菜苗）my favourite 椰菜苗唔系周围有得卖， 所以每次见到有得食都一定会把握机会叫，但唔系间间都整得好食，呢间整得几好够林身有多一间铺头可以放落食饭list