慢煮工業 (已結業)

今晚黎到位于白杨街的慢煮工业，要上一层楼梯的。餐厅的招牌用上霓虹灯，有点怀旧的感觉，但一上楼就有套鼓，又好rock & roll~坐地枱上已经放好餐具同水，看看餐牌，留意到价钱唔高，所以我地叫左几样野食。小食我地拣左软心拉芝士条，有6条咁多，好得意，用杯上的。一上枱热辣辣食果阵D芝士可以拉到去对面位，哈哈。芝士味唔会浓到觉得漏，又炸到岩岩好唔会干。主食拣左一个菠萝意式香肠薄饼，一个有8件，Pizza上的芝士配上意式酱，好惹味，再配上甜菠萝，好有层次，口感好好。我地仲拣左个美式烤猪仔骨，平时好少叫，因为好惊硬好难切，但依度烤得刚刚好，个烧烤酱好入味，肉身又软熟，又能锁住水份，所以食落好juicy~最后仲叫左个甜品，朱古力蛋糕配雪糕，卖相吸引有心思，碟本身都冰冻令雪糕唔好溶咁得咁快，好细心，Brownie都算大件，有点干，但朱古力味浓，配上果仁及雪糕，为是日晚餐画上完美句号。