Cow Bean (荃灣廣場) (已結業)

呢间餐厅就系我屋企附近，所以成日都见到有人喺度排队食饭，今日我特登早啲去同朋友一齐去排队食。我哋今日好好彩居然唔使排队。我就叫咗一个澳洲M7和牛，朋友就叫咗个铁板牛肉炒饭。而且个牌上面仲教我地点样食。大概等左10分钟个牛扒终于嚟啦，我系叫咗五成熟嘅，所以仲好睇到入面嘅肉质仲系好鲜嫩嘅粉红色，而且入面仲好Juicy添, 再加上牛扒上面有一旧牛油，令到牛肉味更加香。朋友叫𠮶个系铁板牛肉炒饭，旁边仲有个温泉蛋同埋酱汁，牛肉比较生，但系个铁板好热，所以炒两下就会好熟，好似成个都系自己DIY咁，所以炒得特别好食。