嘉豐點心專門店

营业中

休息中

好多酒楼、点心舖都话自己啲点心系即点即做，究竟又会有几多间真系咁做，不过呢间我信！之前有个朋友推荐我食呢间既点心，位于九龙城叫做「嘉丰点心专门店」，试过第一次之后，好快就再嚟食第二次，因为真系几好食，仲要价钱大众化。佢哋除咗蒸既点心系即蒸之外，啲炸嘢都系即炸，嚟到样样都热辣辣，其实每样食物嚟到够热就已经加分。饮茶我最钟意食就系沙律明虾角，但系都唔容易食到，好似好多地方都唔兴食咁。居然呢到有得食，劲like😋 ，而且仲要几好食👍🏻。沙律虾角、鲜虾腐皮卷同至尊虾饺皇，我觉得系出色👍🏻。脆皮韮菜饺劲大只，食一件都够喉😅。流沙奶黄包同埋黑椒蒸爽肚正常嘢，算好食。不过有两款点心我唔系咁钟意食：豉汁蒸凤爪，唔入味，豉汁同鳯爪好似分开咁。另外一款就系虾子烧卖皇，无论味度、口感都唔钟意，净系得个大粒，吸引唔到我。