LIFETASTIC (已結業)

喺香港大学站出嚟，一分钟都唔洗嘅步程就嚟到Lifetastic。餐厅外面系落地玻璃，入到去可以选择坐喺玻璃前，一边享受宁静嘅街景一边食嘢；又或者可以好似我咁选择4人台。首先上嘅系帕马森芝士薯条，由于所有食物都系现场即叫即整，薯条热辣辣，脆卜卜嘅外表配合半融化嘅芝士实在令人食指大动啊！芝士同薯条嘅配搭十分合适，唔会净系食到其中一样嘅味。跟住落嚟就系pasta首先登场系明太子蟹肉三文鱼籽意大利面。蟹肉丰富，明太子酱独特嘅风味加上浓郁嘅三文鱼油，令平平无奇嘅意粉又多一个想像空间。之后系酥炸软壳蟹蟹肉明太子意大利面。酱汁十分浓郁，明太子汁微辣，同软壳蟹配搭意外地夹，原只软壳蟹经烹调后仍然保持原汁原味，大大只，十分香脆，size差不多能覆盖整份意粉。甜品方面，点了荔枝玫瑰蛋糕。蛋糕味道芳香、清新，整体不太甜，甚有惊喜。上层有不同的果肉，中层是玫瑰忌廉与椰果，而底层就由碎杏仁做成，是坊间少见的。店员介绍说用杏仁代替面粉会比较健康，因为都市人容易有过敏情况出现，而杏仁就可以避免啦！值得一提嘅系餐厅装修简约单调！十分舒适！