Burger Kitchen (已結業)

呢间burger系完全值得一试，CP值颇高。建议避免繁忙时间堂食，因为佢舖位细，等一等都可能要20分钟，位同位之间既位置都几窄。见到佢都有网上外卖平台，但汉堡当然系岩岩出炉先系最好食啦。推荐呢两样：1. 经典牛肉汉堡热辣辣整起比你，牛肉大小适中好多汁。除左有普通汉堡会有既料外，仲有一条酸瓜。极度酸，如果唔钟意食酸/洋葱既朋友，记得落单既时候走酸瓜或者洋葱。可单叫或者跟餐，加20蚊有薯条同野饮。不过如果想饮特饮(即咖啡或茶以外)，要付特饮既半价。奶昔系我必点。2. 白酒煮蚬意粉意粉方面，选择比较少。只系试过三样：卡邦尼、白酒煮蚬、墨汁。卡邦尼既水准系中下，墨汁就中中，都属于无咩味道。白酒煮蚬，酒味浓郁，蚬都好多。唔想食汉堡可以考虑。美中不足既地方，系服务态度。未算到好差，但真系有待改善。