影片
更多
2022-10-17
677 浏览
生日打算揾间情调好啲既餐厅，所以拣左呢间系尖沙咀西餐厅。入到去铺头细细，但灯光暗暗，环境都ok。侍应服务态度都好好，向我地介绍3 course set dinner 系有两款，分别系$388同$488，而两者既差别在于主菜度，两款餐同样包头盘、是日餐汤同茶/咖啡。嗌完野食好快就上左面包篮同海盐牛油，有一旧法包同一旧牛油软包。法包外脆，入面偏硬，需要出啲牙力先食到，软包就正常发挥。送既烟三文鱼忌廉芝士饼，都系正常味道头盘拣左两款唔同既，分别系法式牛肉他他同蛋白面，松叶蟹肉汤。法式牛肉他他，捞均左蛋黄之后，牛肉都算滑，份量比想像中多。蛋白面，松叶蟹肉汤，蛋白面其实就系将蛋白蒸熟再切条，汤味道唔错，似中式酒精既海皇羹。另外加左$98要左三只是日生蚝，虽然唔知系边度产地但唔会腥，食落都算新鲜。是日餐汤系蕃茄忌廉汤，蕃茄味浓，质地偏向浓稠。$388同$488既主菜各嗌左一样，以下系$388既主菜，一上枱仲以为漏左野，因为嗌左油封鸭脾肉意大利饭，但唔见只鸭脾，胆粗粗试下饭入面既啡色野，原来油封鸭脾唔同坊间般咁原只上，而系手撕完捞左入饭里面。但唔知系咪同意大利饭一齐煮得太耐，啲鸭肉又干又「鞋」，不过
入到去铺头细细，但灯光暗暗，环境都ok。侍应服务态度都好好，向我地介绍3 course set dinner 系有两款，分别系$388同$488，而两者既差别在于主菜度，两款餐同样包头盘、是日餐汤同茶/咖啡。
嗌完野食好快就上左面包篮同海盐牛油，有一旧法包同一旧牛油软包。法包外脆，入面偏硬，需要出啲牙力先食到，软包就正常发挥。
送既烟三文鱼忌廉芝士饼，都系正常味道
头盘拣左两款唔同既，分别系法式牛肉他他同蛋白面，松叶蟹肉汤。
法式牛肉他他，捞均左蛋黄之后，牛肉都算滑，份量比想像中多。
蛋白面，松叶蟹肉汤，蛋白面其实就系将蛋白蒸熟再切条，汤味道唔错，似中式酒精既海皇羹。
另外加左$98要左三只是日生蚝，虽然唔知系边度产地但唔会腥，食落都算新鲜。
是日餐汤系蕃茄忌廉汤，蕃茄味浓，质地偏向浓稠。
蕃茄忌廉汤
17 浏览
0 赞好
0 留言
$388同$488既主菜各嗌左一样，以下系$388既主菜，一上枱仲以为漏左野，因为嗌左油封鸭脾肉意大利饭，但唔见只鸭脾，胆粗粗试下饭入面既啡色野，原来油封鸭脾唔同坊间般咁原只上，而系手撕完捞左入饭里面。但唔知系咪同意大利饭一齐煮得太耐，啲鸭肉又干又「鞋」，不过神奇地啲饭又好似未煮熟咁，口感好生，鸭油丰富，食得多好油腻，可能系咁饭量都系约十汤匙左右，努力食完见到碟底全部都系油。
再黎系$488既海胆酱手打意粉，海葡萄，乌鱼子，意粉同其他主打手打意粉铺头一样，意粉都系比较有咬口，意粉上面都有三旧海胆，味道浓郁，但海葡萄好似一抽咸海水，亦都食唔到有乌鱼子。
而家餐厅做紧优惠，系星期日至四（星期五，六，公众假除外）人均消费满$450就会每人送半只焗龙虾。虽然细细只但味道系成餐饭最好。
最后系社交平台 share 同 tag 返餐厅名，就可以有一客伯爵茶奶冻送返，味道都唔会太甜，又唔会话好好食，正正常常。
总结，最后埋单每人$535，味道一般般，油封鸭脾饭甚至系麻麻地，但胜在服务唔错，主动帮客人影相之余，仲会晒返张相比客人，呢点系加分既，但以呢个价钱相信系同区会有更好既选择。
张贴
