家後

营业中

休息中

之前听朋友讲过依间小店嘅食物好高质，CP值好高。今日去开深水埗，终于可以试下喇！我地今日坐喺较入嘅走廊位，自成一角静静地都坐得几舒服。由于我地想试多d唔同嘅野，所以饺子分别叫左汤饺双拼同煎饺双拼，咁样我地就可唔可以试到四款馅料嘅饺子喇。汤饺我地叫左云耳椰菜猪肉饺拼菠菜猪肉饺。（$36+$2双拼）汤底系赤小豆粉葛汤，好有屋企老火汤嘅风味！饺子皮厚薄刚好，馅料都非常足料！煎饺我地就叫左香菇粟米猪肉饺拼白菜猪肉饺。（$40+$2双拼）饺子煎到金黄色，卖相非常吸引，食落好香口！我地都好钟意依个香菇粟米猪肉饺，粟米好甜，同香菇猪肉好夹！饺子加$15 可以配套餐，我地两个都拣左饭团同冻柠茶。饭团系用日本米，仲有啲牛蒡丝，好好味！另外仲叫左碟油菜（$20），酥脆炸肉丸（$25）。肉丸食落去似系猪肉沟左d洋葱打碎，面头有d面包糠嘅质感。连平时对肉丸麻麻地嘅草子都觉得食个肉丸好食！最尾叫左个咖啡芝士蛋糕（$25），蛋糕咖啡味好香，芝士蛋糕质地顺滑！必点！食埋个甜品真系超级满足！好彩我地黎得早，走嘅时候门口有好多人等紧位！