牛極 (大河道) (已結業)

成日经过都想试下嘅牛极，今天终于可以一试。见到门口有个午市 menu ，有4样可以选择，价钱都只系$50 至$65，仲包汤、米食及前菜沙律放题，就入去试下。售票以现金自助形式，取票后交票予职员就可以埋位坐。店内坐位唔算多，4人枱约有5张，其余都是面壁位。等紧嘢食之时，望下个天花，见到布置了好多日本纸伞，加上店内同时播放日语歌曲，好有身处日本小店嘅感觉前菜沙律有两款酱汁可自由选择，而烧肉汁同样有两款，有辣有唔辣，仲有生蒜蓉可以自取。另一边有白饭同汤可以无限添加。是日餐汤为面豉汤。1. 日式烧鸡扒($50)，上枱时十分热，鸡扒份量十分大，又厚身，外皮烧得香脆，鸡扒本身已腌过，所以不用烧汁已够味，而鸡扒食到最后都系够热，唔似一般铁板餐只有上枱个一刻先热。在荃湾想以$50嘅价钱，食到饱之余仲咁高质素嘅食店，我暂时只揾到牛极一家。美中不足之处，因全部食物都系石烧上，难免地上会沾上油，所以地下会有少少滑。