影片
更多
2009-06-15
15 浏览
15-6-2009忽然想食 BBQ ribs, 谂起未食过的呢间有供应, 仲好似话不错, dinner 拉了朋友上嚟试试. 叫了 Ribs combo, 一份 Mozzarella sticks 及一杯 Virgin Colada share 饮 / 食.Mozzarella sticks: 一客 6 条, 卖相有点样衰, 炸得脆口唔油腻, 但唔够香,「起丝度」一般, 芝味亦较薄弱, 唯有蘸点 on the side 的 tomato sauce (唔系 ketchup, 味道好新鲜的); 跟 snack 的面包其实仲好食, 烘得外脆内软熟, 配上香浓 garlic butter, 一碌唔够喉呢. Ribs Combo: 即 half slab original BBQ baby ribs + grilled shrimps, on the side 仲有 coleslaw 及 French fries: ribs「甩皮甩骨」, 肉较干身但几松化, BBQ sauce 亦惹味, 可惜份量唔够. Grilled shrimps 就出奇地好, grill 得带点烧烤味几香口,
忽然想食 BBQ ribs, 谂起未食过的呢间有供应, 仲好似话不错, dinner 拉了朋友上嚟试试. 叫了 Ribs combo, 一份 Mozzarella sticks 及一杯 Virgin Colada share 饮 / 食.
Mozzarella sticks: 一客 6 条, 卖相有点样衰, 炸得脆口唔油腻, 但唔够香,「起丝度」一般, 芝味亦较薄弱, 唯有蘸点 on the side 的 tomato sauce (唔系 ketchup, 味道好新鲜的); 跟 snack 的面包其实仲好食, 烘得外脆内软熟, 配上香浓 garlic butter, 一碌唔够喉呢.
Ribs Combo: 即 half slab original BBQ baby ribs + grilled shrimps, on the side 仲有 coleslaw 及 French fries: ribs「甩皮甩骨」, 肉较干身但几松化, BBQ sauce 亦惹味, 可惜份量唔够. Grilled shrimps 就出奇地好, grill 得带点烧烤味几香口, 但又不失鲜甜爽脆, 蘸点 butter sauce 食, 几好食. On the side 的(连皮)薯条就最好食, 薯味好浓, 炸得又脆又唔油腻, 空口食/蘸茄汁食一样正 Coleslaw 就较差, 味道太「青」, dressing 又太稀.
(姗姗来迟的) Virgin Colada: 好「椰」, 好幼滑, 菠萝汁香甜又自然, 就连「装饰」用的一楷 pineapple 都系又甜又多汁的, 唔错唔错.
环境轻松 casual, 灯光昏暗, 影相好困难 (所以今次的 dc 相片好样衰) 店员们唔算好醒目, 但态度不错, 而且好落力, 感觉不错.
连加一每人约 $150, 唔贵, 食物一定比愈来愈难食的 Fat Angelo's 好, 可以一试的.
题外话... 喺商场外面见到呢度的送外卖电单车, "Tony Roma's" 以外仲印有 "California Pizza Kitchen", 唔通系同一集团?
张贴
