Aldou Cafe (已易手) 新餐厅

系元朗行街,想揾间cafe坐坐,见呢间cafe格调简约,以独特既灰色为外墙主色调,感觉好特别,于是入去休息下食个lunch set。跟餐有南瓜忌廉汤配热烘烘法包再擦牛油,好香好软熟。南瓜味好重,味道鲜甜。忌廉香浓突出，散发出阵阵奶香。南瓜完全溶晒,好滑 好香,面头有小小忌廉,沟埋都唔会唔腻。烟猪肉青豆忌廉耳形粉忌廉味好重,超creamy,好滑，分量几多,软硬口感刚刚好,有小小咬口。配料方面,好多青豆,磨菇,菇既味道好夹忌廉,提升耳形粉既层次,调味好好。腌制既烟猪肉唔会太咸,全部材料好夹,菜色完整性高,而且好有创意。食完好饱肚。再者餐饮百香果果茶,果香飘逸,冻冻地,透心凉。最底有果肉蓉,饮落去好舒服。加上cafe环境舒适,环境好好。