金記冰室 (已結業)

最近金记和老夫子搞咗个cross-over，有经典的干炒牛河同埋厚切焗猪扒饭食，今日中午经过金记就一于试下。饮品要咗一杯冻忌廉朱古力和一杯热奶茶。忌廉朱古力比较甜，奶茶够香滑。干炒牛河卖相OK，仲插咗一支老夫子个小旗仔。碟粉啲色水都够均匀，但是，味道无想像中好味，味道偏淡，而且唔够镬气。至于焗猪扒饭就插咗支大蕃薯的小旗仔，卖相亦唔错，唔食得都睇得。食落番茄味好浓，芝士几 “漏”，食咗一半已经食唔落，好在猪扒几腍，食得晒。