sift desserts (太子大廈) (已結業)

Cupcake黎讲sift算系小编喺香港最好食同性价比最高。Cupcake喺几年前喺香港好兴，突然有好多间cupcake舖一齐开。小编唔系特别好cupcake，因为有个好朋友好钟意食red velvet cupcake，所以就陪佢试唔同舖头。试左咁多间系sift整得最好，佢个蛋糕底够湿润唔会太干，啱啱好。个面个cream度有好浓嘅cream cheese同云呢拿味。(lemon, triple chocolate,red velvet, s'mores)大 $28小编见朋友食得咁开心又揾啲味试下。柠檬味系小编嘅至爱，因为佢唔似red velvet或者其他朱古力味嘅咁溜同滞。佢个蛋糕底一样出色，湿润度啱啱好，面头个糖霜唔会好甜，保留左柠檬嘅酸味之余亦都唔会太酸。小编钟意sift嘅另一个原系佢啲cupcake啲色唔会好假😂Triple chocolate 同 s'mores 都系以朱古力为主，唔算太特别。中环可以坐低食。最可惜嘅系中环分店冇mini cupcake发售。有时唔想食咁大个就会买mini。如果喺铜锣湾行街想食嘅话就可以去买个mini lemon食下。如果想要个盒嘅话一定要买3个