Y Pasta (已搬遷) 新店位置

一大清早，公司会计小姐同船务部经理就发生口角，所以中午过后就孖小肥出咗去食晏，地点就由细佬拣咗喺附近间「Y Pasta」。楼上餐厅占用面积全层，以蓝白为主o既色调感觉光猛清新。白墙上o既油画及语句都好正面，望多两眼都令人心情轻松不少。店子左边为开放式厨房。旁边有个落地黑板写出是日推介菜式。由于两口子好迟先入座，手制意粉早已卖清，结果无缘一试，唯有每人点咗第二款午市套餐。每份套餐都包有一客沙律或餐汤。沙律用上红莓酱调味，食落爽润醒胃。会计小姐最爱食鱼，主菜就拣咗客三文鱼。鲜露荀牛油柠檬虾意粉（$98）：XO仔决定得黎意粉主题餐厅午膳当然系要食意粉啦！细佬所点o既鲜露荀牛油柠檬虾意粉面条烟烟韧韧。鲜露荀翠绿清脆，虾只亦爽脆弹牙，轻轻以牛油柠檬汁点缀效果极度清爽，掂呀！午餐仲包有甜品同餐茶。是日甜品为清凉微甜香滑o既云尼拿奶冻。小肥要咗杯热o既澳洲天然蜂蜜柠檬特饮作餐茶，喝毕消滞暖胃，肠胃很是舒畅。「Y Pasta」环境幽静洁亮，午市意粉套餐好味又抵食，大家当真不妨一试，cuz it’s good！