One More Hotpot 來一鍋 (已結業)

周末系铜锣湾行完街睇完戏有d 肚饿，就系鹅颈桥附近揾左间楼上既火锅店医下肚。坐低发现原来系火锅放题，除左普通火锅配料，仲有唔少海鲜可以拣，啤酒汽水仲要系任饮，一于食尽佢！基本既酱料都应有尽有。韩国进口啤酒，淡淡地，打边炉饮多d 都唔怕汤底拣左花胶螺头鸡汤，好足料呀！煲得耐d 螺头更加冧同入味，里面仲有猪骨同鸡，愈煲得耐就愈正呀！海鲜拼盘！有青口，贵妃蚌，扇贝，鲍鱼，鲩鱼片，大虾，仲送多块紫淮山。手切安格斯牛颈脊肥牛，好有牛味，又新鲜，正呀！打边炉当然唔可以唔食饺同丸，选择都几多！超巨型响铃同炸鱼皮，味道唔错，但细旧d 会容易食d