影片
更多
2018-04-04
69 浏览
是日去咗铜锣湾行街，朋友好少渣主意谂食乜，铜记咁多好野食，千想万想都未必谂到去打边炉，点知佢话呢间正啊，咁就一于奉陪撑下老友。事原佢最近好似发咗达咁，所以今晚可以随便叫，所以二话不说拎起餐单起势剔野食。点餐纸一面睇哂，加上写明烹煮时间，个人觉得都几Friendly。首先汤底我地拣咗「红油药膳锅(鸳鸯汤底)」，食辣又得、唔食辣都得，我唔食得辣嘛。等火锅料同汤底其间，先去研究下酱料，每个人都分配咗一樽仔味碟，你可以为自己泡装一碟云南红油酱，但我唔搅咁多野喇，照旧豉油炸蒜就算喇。题外话：茶介同酱料每位都会收番HKD25。其实配料都几快上，可以话系靴靴声咁不停上，放到成枱都摆唔哂。 本身个人都觉得火锅料价钱稍为小贵，但见到实物摆碟同切功咁巧妙就立刻认同，值得嘅。众多嘅食物当中，我认为有一碟系必须特别Highlight下，就系「极品手切肥牛腋(大盘)」，虽然HKD288，但水准就系超出预期，简直系抵到爆。入口即溶，非常有牛肉味，谂起都口水流(太过份)。对于食肉兽嘅朋友泥讲，4个人至少都要叫两盆先够喉。当然啦，食红油锅点少得腐竹、冬瓜、菜等等，整晚嘅火锅料都比人感觉非常新鲜，绝对唔会比啲好似放咗
事原佢最近好似发咗达咁，所以今晚可以随便叫，所以二话不说拎起餐单起势剔野食。点餐纸一面睇哂，加上写明烹煮时间，个人觉得都几Friendly。首先汤底我地拣咗「红油药膳锅(鸳鸯汤底)」，食辣又得、唔食辣都得，我唔食得辣嘛。
等火锅料同汤底其间，先去研究下酱料，每个人都分配咗一樽仔味碟，你可以为自己泡装一碟云南红油酱，但我唔搅咁多野喇，照旧豉油炸蒜就算喇。题外话：茶介同酱料每位都会收番HKD25。
其实配料都几快上，可以话系靴靴声咁不停上，放到成枱都摆唔哂。 本身个人都觉得火锅料价钱稍为小贵，但见到实物摆碟同切功咁巧妙就立刻认同，值得嘅。
极品手切肥牛腋(大盘)
$288
6 浏览
0 赞好
0 留言
当然啦，食红油锅点少得腐竹、冬瓜、菜等等，整晚嘅火锅料都比人感觉非常新鲜，绝对唔会比啲好似放咗好耐，明显摆到干嘅料你。更加唔少得，唔好歧视我最钟意叫嘅午餐肉，真系好有心机咁摆碟。
另外，墨鱼滑份量都几足，食落爽口合格。你睇下个薯片真系切到好薄，咁样唔系想玩你或者我，平时个啲都可能太厚，可能要淖得耐啲，而家呢片一至两分钟都食得，好贴心。而田鸡呢，试过之后嘅温馨提示系，记住拎个铁捞兜住咁淖，咁就唔怕熟咗揾唔番旧肉。
猪肉都算薄身易嚼，可以跟足佢个指引煮熟先食。但个人觉得都系比唔上牛肉好食，除非你戒牛啦，如果唔系都系大力推荐牛。
总结，乌冬乜乜乜真系唔洗叫得多，我真系烧坏脑先写咗2，尽量可以悭番啲，专攻食「极品手切肥牛腋」，保守啲可以尽量叫咗普通一Round先，因为你会意想唔到地饱，唔够先再叫啰。
张贴
