海都酒家

营业中

休息中

一行五人平日来呢度食晚饭﹐食客只得小猫三四台。而大部份亦都系从商既老板同唔同国籍既客食。佢地个主餐牌里面剩系有鲍参翅肚兼每样都系时价既海鲜。所以我地就叫左个6人套餐﹐佢地个个套餐都要过千元﹐呢个就要二千二。其实食物质素都ok ﹐由其系佢地条蒸大石班同花雕蒸蟹。条班蒸得刚刚好﹐味道亦唔会太咸﹐配埋d经油爆过既葱令味道更加香。花雕蒸蟹亦好味﹐花调酒既香浓味刚刚好﹐唔会盖过d蟹。两只肉蟹都好实肉﹐新鲜。唯一唔好就系佢地个上菜时间﹐每一个菜都起码格30分钟﹐其中有一个伙计系到爆粗咁闹其中一个伙计﹐好似闹佢点解d菜上得咁慢。原本应该一个钟至个半钟既一餐要食三个种先食完。食客又唔系多﹐都唔知点解要咁耐。总括来讲﹐食物质素系掂﹐但绝对唔值呢个价钱。如果剩系比分比食物﹐会比笑笑口。但系因为价钱同上菜既时间﹐所以剩系比ok.