Makuma (已結業)

早几日荔枝角放工，同朋友去左D2 place 附近揾下有咩好野食。见到呢间日式居酒屋风格既餐厅，就入左去试下。我地叫左个二人餐一齐share。前菜就上左个鸭胸豆腐。一份细细碟，加上个酸酸地既汁，开胃又唔会太饱。之后仲有个牡丹虾沙律。去壳牡丹虾刺身，新鲜爽口，加上黑醋沙律，小食就上左个唐扬拼盘，分别有唐扬炸鸡、吉列蚝、芝麻鸡翼同玉子烧。炸物外层酥脆，但系肉质仍然鲜嫩，炸蚝仍然保持到creamy 既口感一品就食左店员推介嘅鲣鱼汤煮花胶日本大根。花胶炆得十分入味，烟韧软滑。大根吸收左鲣鱼汤嘅味道，香甜爽口。终于到正餐，铁板风蒜片牛柳粒。牛柳粒熟度刚刚好，食落口仍然有大量肉汁。肉食之后有铁板炒野菜。将几款菜加金菇炒埋一大碟。大大份好抵食主食最后仲有个黑松露芦荀炒饭。炒饭粒粒分明，爽甜嘅芦荀加上少少甘味嘅黑松露简直系绝配。最后重有个甜品，抹茶麻糬窝夫。一大层厚厚嘅麻薯铺系窝夫上面，又靓又好食。