影片
更多
2023-05-13
83 浏览
荔枝角出名多抵食工业大厦餐厅，今日俾我揾到呢间！感觉似茶餐厅，同时又似Cafe佢个餐牌选择真系多到夸张，严重选择困难症🤯每日都有特别菜单，仲要全部有唔同配搭，饮品又好多花款▶️ 香草蕃茄软包餐 ($59)馅料五选一：芝士吞拿鱼沙律、芝士火腿、蘑菇芝士、蘑菇烤鸡、牛油果凯撒包系橙色嘅，入面加咗少少风干蕃茄同香草，味道上唔太食到蕃茄味但系就好香香草味🌱烘烤过所以外皮少脆，质感唔系烟韧有嚼口type而系比较似汉堡包🍔拣咗儿时最爱嘅芝士火腿组合🥰芝士系一片片正方形𠮶只🧀而火腿就应该系金妹牌𠮶只，果然系绝配，两个加埋唔会太咸又好夹另外仲有青瓜同蕃茄🍅令个包更有层次口感同清爽味道，几好系蕃茄唔会整湿面包可以改善嘅位系可以烘烤得耐啲♨️咁面包食落会暖啲香脆啲，芝士又会溶啲跟餐沙律三选一：杂果沙律、凯撒沙律、田园沙律🥗田园沙律系生菜加粟米粒，另外仲有脆口面包糠同沙律酱▶️ 椒盐猪扒脆软壳蟹炒饭 ($69)星期六特别款式！上面大大只软壳蟹同椒盐猪扒，几靓仔㖞～两个都炸得香脆干身，软壳蟹食落似打冷食嘅椒盐鲜鱿🦀椒盐味够惹味饭底系鸡蛋炒饭，米饭粒粒分明炒得干身唔油腻唔过咸，非常香蛋味，够晒镬气👍🏻面头仲加咗唔少三
感觉似茶餐厅，同时又似Cafe
佢个餐牌选择真系多到夸张，严重选择困难症🤯每日都有特别菜单，仲要全部有唔同配搭，饮品又好多花款
▶️ 香草蕃茄软包餐 ($59)
馅料五选一：芝士吞拿鱼沙律、芝士火腿、蘑菇芝士、蘑菇烤鸡、牛油果凯撒
包系橙色嘅，入面加咗少少风干蕃茄同香草，味道上唔太食到蕃茄味但系就好香香草味🌱
烘烤过所以外皮少脆，质感唔系烟韧有嚼口type而系比较似汉堡包🍔
拣咗儿时最爱嘅芝士火腿组合🥰
芝士系一片片正方形𠮶只🧀而火腿就应该系金妹牌𠮶只，果然系绝配，两个加埋唔会太咸又好夹
另外仲有青瓜同蕃茄🍅令个包更有层次口感同清爽味道，几好系蕃茄唔会整湿面包
可以改善嘅位系可以烘烤得耐啲♨️咁面包食落会暖啲香脆啲，芝士又会溶啲
跟餐沙律三选一：杂果沙律、凯撒沙律、田园沙律
🥗田园沙律系生菜加粟米粒，另外仲有脆口面包糠同沙律酱
香草蕃茄软包餐
$59
8 浏览
0 赞好
0 留言
▶️ 椒盐猪扒脆软壳蟹炒饭 ($69)
星期六特别款式！
上面大大只软壳蟹同椒盐猪扒，几靓仔㖞～
两个都炸得香脆干身，软壳蟹食落似打冷食嘅椒盐鲜鱿🦀椒盐味够惹味
椒盐猪扒脆软壳蟹炒饭
$69
7 浏览
0 赞好
0 留言
饭底系鸡蛋炒饭，米饭粒粒分明炒得干身唔油腻唔过咸，非常香蛋味，够晒镬气👍🏻
面头仲加咗唔少三色椒丝，令成个饭更香口美味🫑
▶️ 香煎美式公司杂扒配黑椒汁 ($81)
呢个系人气之选！更加系男士喜爱因为有齐鸡牛猪扒同香肠😍份量仲够晒大，最啱增肌💪🏻
🐷猪扒意外地好食，切得薄身，肉质偏冧唔干争争
🐔鸡扒用上鸡髀肉所以食落非常滑嫩，肉质唔柴
香煎美式公司杂扒配黑椒汁
$81
8 浏览
0 赞好
0 留言
🐂牛肉真系有牛味，唔会煎得过熟，入面仲有少少粉红色，不过都有啲筋位，食落会韧啲
香肠略为咸咗少少，但系钟意佢够粗身同埋口感唔太爽口 (个人唔太钟意脆皮肠)
全部调味到位，煎得唔过火
▶️ 木瓜乳酪 (+$14)
呢度真系咩配搭都有🤯足足有13种蔬果拣，仲可以双拼
除咗乳酪，可以拣牛奶🥛或益力多
木瓜乳酪算系一个安全选择，最奇怪谂到嘅系蕃茄沟益力多😹(饮完包去到厕所)
用新鲜蔬果即场榨再沟乳酪，够新鲜天然健康👍🏻
饮落比想像冇咁甜，乳酪令饮品杰身过一般果汁，而且唔会带酸味
微微饮到几香木瓜味，推介试吓！
▶️ 火龙果乳酪 (+$14)
比起木瓜乳酪流质啲，火龙果味同样好出，不过我都系钟意木瓜乳酪多啲😛
木瓜乳酪
6 浏览
0 赞好
0 留言
▶️ 热海盐焦糖咖啡 ($8)
冇乜海盐味，只系饮到少少焦糖味
焦糖令咖啡饮落唔苦☕️但保持咖啡香味，有连锁咖啡店咖啡水准
热海盐焦糖咖啡
$8
8 浏览
0 赞好
0 留言
-
唔好睇佢啲嘢简简单单，食物超有水准🤩调味卖相全部做足，份量超级大
钟意佢够多花款选择，而且款式唔系一般港式茶餐厅食到嘅嘢
加上感觉佢几健康，又有沙律又有鲜榨果汁选择，好适合做打工仔饭堂
环境唔错，成间舖头好大，可以容纳到一大班人嚟食饭，枱与枱之间保持适当距离，有空间感
我哋两点几嚟食lunch都不断见有人入嚟食，生意唔错
服务超好，多为上咗年纪嘅侍应，主动过嚟介绍边啲系多人叫嘅选择☺️观察到佢哋同熟客嘅互动，感觉好亲切
性价比超超超高，依家香港竟然仲有啲包特饮大大份靓靓仔用新鲜材料够饱肚丰富嘅午餐❣️实为罕见
张贴
