DALLOYAU

营业中

休息中

闭左几日关，今日出动吓先，去左Dalloyau买蛋糕食。Dalloyau蛋糕造型一贯精美，质素有保证，价钱亦高档。今日拣左两款同家人分享。柚子芝士蛋糕 $58柚子芝士蛋糕系由一块大大块黄色朱古力半包住柠檬芝士饼同上面既日本柚子啫喱，上面仲有一块白色牛奶朱古力同一小块印左Dalloyau个名既招牌朱古力，下底都有一块花仔朱古力装饰，造型精美。味道方面，柠檬芝士饼算可以不过非特别浓厚，而上面既日本柚子啫喱非常弹牙清新，仲有少少流心柚子酱，食落唔会太腻。黄色朱古力居然有少少酸味，唔知系加左柠檬定柚子，都好惊喜。总括而言，味道算系唔错。特浓黑朱古力慕丝脆饼 $68个人更钟意呢件特浓黑朱古力慕丝脆饼。最下底一层榛子脆底，上面系厚厚一层朱古力慕丝，再加一层薄薄黑朱古力慕丝，最上面有一块薄朱古力片同半圆朱古力慕丝，当然仲有一小块印左Dalloyau个名既招牌朱古力。味道方面真系有非常香浓既朱古力味，而且质感非常滑溜，再配合少少脆底添加口感，我钟意，如果脆底更脆就好啦。之前食过DALLOYAU两个原个蛋糕，味道唔太好，反而小蛋糕质素好好多。