DALLOYAU (已結業)

如果你有留意我既post，可能都发现其实我都系DALLOYAU既粉丝。一年一度大日子，系DALLOYAU订左个蛋糕庆祝生日。DALLOYAU系来自法国既，今次拣左𠮶款蛋糕叫Enchanting Apple，size系18cm，价钱$668。呢款蛋糕仲有个细啲嘅size系16cm，卖$438。跟蛋糕有块心形或者圆形嘅朱古力庆祝牌。个蛋糕盒好大好靓，用靓丝带绑好。不过其实入面个蛋糕细好多。个蛋糕卖点明显系啲粉红色嘅朱古力丝带，上面仲有散落唔同位置嘅金箔。不过好可惜，有一忽丝带系断左，我地睇返啲相先发现原来我哋喺蛋糕店拎走之前已经断左，虽然蛋糕正面望落去唔为意，但系都睇到断左，都几令人失望。除左粉红色丝带，蛋糕用左同样嘅粉红色朱古力片围边。朱古力系法国33%白朱古力，本身系又薄又滑，系好食嘅。至于拎走哂啲朱古力之后呢，个蛋糕就系有三层好普通嘅白色chiffon蛋糕，夹住两层只有微微青苹果味嘅啫喱同香滑而唔过腻嘅忌廉，味道黎讲真系平平无奇，无乜层次感又冇特别，系轻盈唔腻一啲都唔重口味嘅，不过俾得呢个价钱唔会预收呢个货色。失望至极。