九龍香格里拉大酒店大堂酒廊

营业中

休息中

用鸟笼serve嘅下午茶，仲要每两位有一份Darphin护肤品送，性价比超高。下午茶精髓除咗咖啡/茶之外，个人觉得个scone都好重要。原本对哩间餐厅嘅食物质素无咩期待嘅，因为佢唔算出名；老实讲系觉得有得食有得拎好抵，所以抱住一试无防嘅心态嚟帮衬嘅。点知，一试佢个scone好有惊喜㖞。其实scone唔系咩特别嘢，但可能就系普通嘢先最考厨房嘅功力啦。哩度个scone好味嘅，够牛油香，唔油而且外脆内松化；个jam同clotted cream都好味，配埋食好完满。其他咸甜点都好味。原本谂住哩个价钱仲有嘢送应该唔好抱太大期望同咁高要求，但试过之后觉得佢交足货，性价比高。就算唔再做联营优惠，都会再嚟呀。个咖啡都好饮，真系一个不错嘅下午茶选择。