影片
港铁尖沙咀/尖東站 P1 出口
继续阅读
电话号码
27338740
开饭介绍
逢星期一至日及公眾假期15:00-18:00呈獻經典下午茶套餐。大堂酒廊位處樓高兩層的酒店大堂中央，環境典雅且坐擁迷人的維港美景。賓客可一邊欣賞現場音樂演奏，同時與商務夥伴相聚或品嚐香茗、小吃或雞尾酒。
继续阅读
特色
浪漫情调
同客食饭
庆祝纪念日
营业时间
今日营业
08:00 - 00:00
星期一至日
08:00 - 00:00
以上资料只供参考，请与餐厅确认详情
有关奖赏计划
相关文章
好食到第二日又再去食，真係太出色！！！！九龍香格里拉嘅糖水，完全係糖水界天花板，每晚六點半後供應，位於酒店大堂，鄰近尖東海旁，望住180度維港景，餐廳佈置突顯酒店格調，仲有現場鋼琴同小提琴表演，成個體驗絕對對得住個價錢﹐糖水更加係酒店級數好出色！—— 薑汁撞奶 $68 本店銷量No.1！近乎每枱必叫！貴為薑汁撞奶忠實fans，去邊到見到都會叫😂食完依個絕對係我嘅香港第一‼️上枱有齊薑汁、煮熱咗嘅牛奶同漏斗，一set十分精緻。Server會喺客人面前即時撞奶落去薑汁，仲話唔凝固可以換，等大約三分鐘就可以開蓋。凝固嘅程度簡直係完美！！！！匙羹啱啱好可以被承托住，差1mm都會沉落去，可想而之個質地係咁滑，一食入口即化，奶味好香再散發薑汁微辣，甜度調教得剛好，好食到第二日為咗佢再去食🤣—— 擂沙湯圓 $58必點！芝麻餡夠哂濃郁，最驚嘆係個湯圓皮超級無敵咁軟熟！！咬幾吓就同入面嘅餡融合一齊，花生粉灑咗大量俾表面，好食到自己一個都可以食哂三粒！！—— 30年陳皮紅豆沙 $78煮到起沙夠濃稠，但30年陳皮就真係冇feel到同一般嘅分別，同最大需要改善係唔夠熱，見到隔離枱叫咗都反映要加熱翻—— 桂花杞子花 $80 桂花加咗杞子，令味道多咗層次，甘甜中帶有一絲清新，口感細緻。每啖都感受到桂花的芬芳同杞子嘅甘甜—— 玫瑰花茶 $80 依款茶完全打破咗我對玫瑰飲品濃郁嘅印象，反而係清香自然，帶有淡淡嘅玫瑰味，好飲！🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️ 📍 九龍香格里拉酒店大堂酒廊 (尖沙咀)麼地道64號九龍香格里拉大酒店大堂🔎分類搜尋：#FTHK_尖沙咀 #FTHK_甜品
继续阅读
上月有朋友介紹香格里拉的酒店大堂有中式糖水吃，而且相當受歡迎。今天我們一行四人先在「Tapas Bar」 happy hour吃喝一番，剛剛摸完酒杯底現在是食糖水的時候了，醒目的我一早已經預訂了位置，不用等候就已可入座了。我們四人霸佔了一張足夠六至八人的大枱，看了一下餐牌，很快就鎖定我們想吃的種類和下單，糖水等了一會就送上，每份糖水都有一個獨立圓盤承載着，感覺特別有儀式感。~ 兩位朋友選了: 合桃露湯圓 ($78)看見盛載糖水的碗相當西化，而且很大一碗；~ 一位女士選了: 百合蓮子芋圓南瓜露($78)~ 我則選擇了喜愛的: 原個椰皇桃膠燉蛋白($88)我的原個椰皇桃膠燉蛋白就較為細小，相對遜色，而且入口口感也只是暖和，奉勸如果朋友們打算在這裏吃中式糖水，個人不建議選擇椰皇。最好吃的椰皇當然是在荃灣鱟地坊的Sweetheart啦🥰！~ 兩份: 雷沙湯丸($58/份)雷沙湯丸不過不失啦。畢竟這裏的出品始終不及專門的中式糖水店的美味，在酒店吃中式糖水反而是一個噱頭，除了喝咖啡、茶和雞尾酒以外，改吃中式糖水和甜品，也是另一種感受；餐牌還有港式腸粉、四川麻辣墨魚丸，長洲魚蛋和雞翼等給客人多種選擇，真是不錯的做法。而且在這樣舒適的環境下享受中式糖水相當新穎，因為在街上的中式甜品或其他甜品店，不單止座位擠迫，或只是坐圓形摺凳，基本上吃完就要馬上離開，因為外面太多人在大排長龍等候入座，而在這裏吃甜品就可以慢慢嘆，完全沒有時間限制，還有鋼琴🎹伴奏🎶🎶，真是值回票價👍。我們坐了大概一個半小時，大約十點幾結帳離開，看到大堂外面已經有很多客人在等待入座，酒店的marketing應記一功呀✌️。
继续阅读
想從繁忙中細味生活嘅美好時光💡去九龍香格里拉酒店聽住Live Music🎼嘆個意式鳥籠high tea就啱晒啦！「Il Dolce Far Niente意悅時光」下午茶意大利語指「甜蜜的無所事事」💕係一種輕鬆、放鬆嘅生活狀態和心境。呢個下午茶精選咗意大利茶葉品牌🫖La Via del Tè最新Garden Secret系列嘅3款特色茶品及多款甜美鹹點。4層高鳥籠🐦造型精緻優雅，打卡able～鹹甜美點，同樣帶來視覺及味覺享受🤩當中有幾款特別回味～🥯 #茶香味英式鬆餅鬆餅滲出茶香，口感綿軟，配上香滑檸檬醬倍感清新！🧆 #黑松露雞肉慕斯配茶香核桃粉吐霧仙氣效果超搶眼球，雞肉球有嚼勁同時茶香撲鼻。🥧 #伯爵茶拿破崙陣陣伯爵茶香 x 幼滑忌廉，加上層層酥皮，口感層次豐富。美點配靚茶♨️真係要試試La Via del Tè嘅甄選茶品，我就試咗🫖Lake of Waterlilies，味道香濃，配甜品一流～
继续阅读
🍰☕️ 意式悠閒下午茶 · 香格里拉酒店 · 「Il Dolce Far Niente 意悦時光」下午茶～做咗成日嘢，好想偷返啲閒，今次九龍香格里拉酒店Lobby Lounge推出嘅「Il Dolce Far Niente 意悦時光」下午茶，就比咗個機會我慢慢享受意式嘅悠閒生活～呢個下午茶set用上意大利名茶La Via del Tè嘅Secret Gardens系列為元素，將茶品mix部份鹹點及甜品，一次過食勻晒啲特色茶味😋個set擺喺個靚靚鳥籠層架上面，坐喺窗邊仲可以望到維多利亞港嘅靚景添，有種一食三賞嘅感覺！▶️鹹點：紅蝦韃靼配橙花啫喱、牛油果醬及香梨🍤味道層次豐富，鮮甜紅蝦配上香濃牛油果醬，以及清新橙花啫喱，一次過滿足晒所有味蕾！醬油漬黃鰭吞拿魚配柑橘醬油及海藻粉用醬油漬過嘅吞拿魚味道更濃郁，柑橘嘅清新酸味中和整體，成個味道更加立體，外圍痴滿海藻粉，帶出海洋嘅鮮味同時加強口感黑松露雞肉慕斯配茶香核桃粉放喺一個好似盆景嘅裝置上面，打卡一流！雞肉慕斯質感香濃滑溜，加上茶香核桃粉嘅獨特口感，非常特別～花蟹肉沙律配茴香、熱情果及茶香啫喱🦀清新爽口，花蟹肉嘅鮮甜配上熱情果嘅酸甜，仲要有茶香啫喱加持，好有層次感！煙燻意大利布拉塔芝士及茶漬番茄青瓜莎莎配茶香醬🧀煙燻芝士香濃滑溜，配上清新莎莎醬，開胃之選！▶️甜點：意式檸檬甜酒零陵香豆泡芙🍋面頭已經靚到似個小花園，檸檬甜酒零陵香豆引發酸甜及香味交織伯爵茶拿破崙🫖經典法式甜品加入伯爵茶嘅獨特香氣，層層酥皮配搭濃郁嘅奶油，加上伯爵茶嘅回甘，係今次嘅MVP！士多啤梨意大利芝士蛋糕軟滑嘅芝士蛋糕配上士多啤梨夾心，香甜同輕微酸味完美平衡花茶櫻桃柚子奶凍🍒花茶嘅香氣配上櫻桃同柚子嘅果香，加埋滑溜嘅奶凍，食完即刻SWEET晒香桃莓果茶馬卡龍酥脆外殼包裹住香桃莓果茶味嘅內餡，香甜中帶有茶香，係tea time嘅最佳拍檔仲有傳統英式鬆餅，配埋自家製果醬同忌廉👌最後梗係唔少得La Via del Tè嘅靚茶啦！唔想飲茶都可以轉咖啡～
继续阅读
位於尖沙咀的九龍香格里拉大堂酒廊最新推出的「甜蜜月韻」鹹點及中式糖水系列，能夠在這樣優雅的地方品嚐地道香港風味糖水，真的非常寫意，糖水當中包括有24款熱門港式甜品、糖水和鹹點，熱門首選即製薑汁撞奶、合桃露湯圓、原個椰皇桃膠燉蛋白等等，鹹點更有創意十足的龍蝦鉗腸粉、超級惹味嘅避風塘雞翼等，保證有驚喜👍✨每晚6時30分至凌晨12時供應中式糖水整體非常有水準，特別是原個椰皇桃膠燉蛋白和生磨蛋白杏仁茶湯圓，絕對可以媲美傳統中式糖水老店的美味👍▪️原個椰皇桃膠燉蛋白 $ 88▪️生磨蛋白杏仁茶湯圓 $ 78▪️楊枝甘露 $ 68特別欣賞龍蝦汁拌腸粉，保留傳統腸粉的煙靭和米香，淋上創新的龍蝦汁清新美味，四川麻辣墨魚丸的麻辣醬意想不到的超美味，麻辣香非常突出，夠晒惹味🫶▪️龍蝦鉗腸粉伴龍蝦汁 $ 106▪️四川麻辣墨魚丸 $ 68▪️避風塘雞翼 $ 78
继续阅读