影片
更多
2022-10-17
283 浏览
今次系冲住个甜品去的，所以预左好少肚比个正餐，但一入去就话每人最低消费一杯野饮，虽然知系为左保证收入，但都有啲唔钟意，因为限死左无论叫几多野食都一定要嗌野饮😕两杯野饮叫左热仲夏热带水果茶($52)同经典Dazzling可可($45)。水果茶有都系老样子啦，有啲切粒水果加茶咁，果茶主要都系饮到橙嘅味道，但个茶都真系有啲太甜。可可我净系试左头尾两啖，第一啖饮落去都好浓郁，比较厚身，唔算太甜，可惜因为一定要有冰，所以去到最后就已经沟稀晒，味道淡左好多。主菜要左拿破仑大虾义大利面($118)，第一印象系好多红黄青椒，如果唔钟意嘅(例如我)会建议试其他，因为都真系占左一定份量。钟意佢意粉啲汁上得好匀，唔会有一啖浓一啖淡嘅情况出现，其实都算惹味。虾预左佢唔系新鲜虾，不过唔系爽口𠮶种，有啲扣分。嚟到主题甜品巧克力蕉响曲蜜糖吐司($98)，上到嚟系惊艳嘅，不过其实打完咭都系要将佢解体🤣 搬开左上面嘅雪糕同cream，会见吐司里面系已经切好左，焗好左同搽左蜜糖，加埋cream同haagandaz 雪糕好好食🤤 出面面包皮虽然无搽到蜜糖焗，但系因为都已经焗到脆脆地，所以加上配料都已经好好食，或者都因为我本
两杯野饮叫左热仲夏热带水果茶($52)同经典Dazzling可可($45)。水果茶有都系老样子啦，有啲切粒水果加茶咁，果茶主要都系饮到橙嘅味道，但个茶都真系有啲太甜。
可可我净系试左头尾两啖，第一啖饮落去都好浓郁，比较厚身，唔算太甜，可惜因为一定要有冰，所以去到最后就已经沟稀晒，味道淡左好多。
主菜要左拿破仑大虾义大利面($118)，第一印象系好多红黄青椒，如果唔钟意嘅(例如我)会建议试其他，因为都真系占左一定份量。钟意佢意粉啲汁上得好匀，唔会有一啖浓一啖淡嘅情况出现，其实都算惹味。虾预左佢唔系新鲜虾，不过唔系爽口𠮶种，有啲扣分。
嚟到主题甜品巧克力蕉响曲蜜糖吐司($98)，上到嚟系惊艳嘅，不过其实打完咭都系要将佢解体🤣 搬开左上面嘅雪糕同cream，会见吐司里面系已经切好左，焗好左同搽左蜜糖，加埋cream同haagandaz 雪糕好好食🤤 出面面包皮虽然无搽到蜜糖焗，但系因为都已经焗到脆脆地，所以加上配料都已经好好食，或者都因为我本身好钟意食淀粉质素🤣
最后埋单三百几，男朋友如常地话唔抵食，的确食物质素唔算好高，但本身cafe定位系打卡cafe，所以其实食物质素未必系食客最在意的，不过老实讲，出街食饭好多时都系食环境气氛，坐喺粉红色里面食饭都高兴嘅😆
=Dazzling Cafe // 尖沙咀弥敦道100号The ONE 3楼22号舖 // 2312 6099=
张贴
