Deer Kitchen (The Wave) (已結業)

迟吓朋友要喺观塘返工，所以特登同佢喺观塘揾吓有咩好嘢食，发现原来The Wave入面几多餐厅，今次拣左五楼既Deer Kitchen。餐厅以鹿为主题，鹿既摆设随处可见，甚至挂画都系鹿。餐厅闲日都满晒人，装修简约，坐得几舒服。首先有餐包，面包非常松软，带有少少香草味。旁边系黑醋，组合几特别。黑松露意大利云吞系我今餐最深刻既一道菜式。云吞皮厚馅算多，上面铺满炸薯条丝，配上淡淡黑松露的忌廉汁，滋味无比。主菜首先有秘制大虾天使面。职员事先提醒我哋有少少辣，非常贴心。大虾爽口弹牙，天使面索晒番茄汁，味道特别清新。另一道主菜系慢煮纽西兰牛柳伴香煎砵酒鹅肝。牛柳劲慢煮后肉汁更丰富，肉质更嫩。鹅肝外脆内软，加左砵酒令鹅肝冇咁油腻。另外配料用咗紫薯，非常特别。最后饮埋呢杯芒果香橙沙冰就非常完美。下次再发掘观塘区嘅美食！