影片
更多
2020-02-17
1868 浏览
Soul Food #中环又到咗black series嘅时候啦🤩🤩🤩可以以优惠价食到black sheep🐑旗下嘅餐厅，佢哋有各种唔同格调、菜式、价位嘅餐厅，较为耳熟能详嘅包括今次食嘅Fukuro、La Vache!、米芝莲一星嘅Belon，仲有我上年试过觉得超好食嘅阿根廷菜Buenos Aires Polo Club！今次呢间价格价格亲民啲，主打泰国菜，虽然冇佢旗下其他餐厅咁出名，但食物同样高质。无论系前菜、主菜、定系甜品都系咁好食！而且仲要一道好食过一道！$198/1前菜🔶Chicken Satay 椰香沙嗲鸡🐔- 鸡肉、椰奶、红咖喱、花生酱🔷Spicy Papaya Salad 香辣青木瓜沙律🥙- 青木瓜、豆角、番茄、花生、虾干沙嗲鸡串烤得够香，青木瓜沙律酸酸甜甜好开胃！主菜🔶Drunkard’s Noodles 醉炒海鲜河粉🍤- 炒辣河粉、鱿鱼、大虾、九层塔、泰国青柠叶呢道算系fusion，采用嘅河粉较特别，较一般嘅阔、烟韧，配上各种海鲜同埋香料，炒得好香，富有九层塔嘅香气，带少少香辣，够晒惹味。🔷Stir-fried Morning Glory 泰式炒通菜🥬- 通菜、香蒜
又到咗black series嘅时候啦🤩🤩🤩可以以优惠价食到black sheep🐑旗下嘅餐厅，佢哋有各种唔同格调、菜式、价位嘅餐厅，较为耳熟能详嘅包括今次食嘅Fukuro、La Vache!、米芝莲一星嘅Belon，仲有我上年试过觉得超好食嘅阿根廷菜Buenos Aires Polo Club！今次呢间价格价格亲民啲，主打泰国菜，虽然冇佢旗下其他餐厅咁出名，但食物同样高质。
无论系前菜、主菜、定系甜品都系咁好食！而且仲要一道好食过一道！
$198/1
前菜
🔶Chicken Satay 椰香沙嗲鸡🐔
- 鸡肉、椰奶、红咖喱、花生酱
🔷Spicy Papaya Salad 香辣青木瓜沙律🥙
- 青木瓜、豆角、番茄、花生、虾干
沙嗲鸡串烤得够香，青木瓜沙律酸酸甜甜好开胃！
主菜
🔶Drunkard’s Noodles 醉炒海鲜河粉🍤
- 炒辣河粉、鱿鱼、大虾、九层塔、泰国青柠叶
呢道算系fusion，采用嘅河粉较特别，较一般嘅阔、烟韧，配上各种海鲜同埋香料，炒得好香，富有九层塔嘅香气，带少少香辣，够晒惹味。
🔷Stir-fried Morning Glory 泰式炒通菜🥬
- 通菜、香蒜、辣椒
超有镬气，每次个厨师炒通菜嘅时候成个厨房都会着晒火，单单用咗蒜蓉同埋辣椒就整到成个通菜都好香，冇谂过连菜都可以煮得咁好食。
🔶Beef Brisket Penang Curry 槟城咖喱牛腩配Jasmine rice丝苗白饭🍛
- 牛腩、新鲜椰酱、烧菠萝、烤花生
咖喱食落去冇望咁辣，但系好香椰酱同花生味！加上佢嘅菠萝系事先烧过，非常香甜，配上肉质软腍嘅牛腩，真系停唔到口。
甜品
🔷Coconut Ice cream 椰子雪糕🍨
- 椰子雪糕、盐味椰糖焦糖、花生
系我食过最好味嘅椰子雪糕！食落去好似食紧淡淡椰丝，感觉到佢真系用椰子榨出嚟！佢嘅焦糖花生酱简直系画龙点睛，咸咸地配埋超级香口嘅花生，同个椰子雪糕绝对系绝配！回味无穷。
呢间算系black sheep入面较为平民嘅餐厅，$200就已经食到咁多道菜，真系饱到上心口🥰而且食物质素好高，真系每一碟𩠌都唔会令你失望！
67 浏览
0 赞好
0 留言
81 浏览
1 赞好
0 留言
130 浏览
1 赞好
0 留言
75 浏览
0 赞好
0 留言
75 浏览
0 赞好
0 留言
张贴
