LA Restaurant & Dessert Bar (已結業)

晚市唔系好贵，但唔成正比，见大家咁热捧lunch,谂住夜晚都唔会太差，结果....嗌左两个pizza, 一个系西班牙风干火腿薄饼$98，另一个系夏威夷薄饼$88，结果佢哋个底系一样，夏威夷薄饼只系多咗菠萝，仲要平$10，早知我嗌两个夏威夷薄饼，搬啲菠萝过隔离，咁可以平$10之余仲多菠萝...炸鸡$68，份量唔多...小食拼盘$128，唔值得，宁愿散嗌，除非你几样都好想食，不过款式好普通，最好食可能系焗薯皮。主食嗌左两个意粉，一个蕃茄牛大通粉，一个系香辣卡邦尼意粉，前者味道不过不失，后者就正正常常，都系果句唔值呢个价。不过平日晚上都坐满，无赶人走，都坐左两个钟倾下计咁，环境普通。