影片
更多
2011-07-22
118 浏览
今晚去呢间餐厅食完DINNER BUFFET返黎写食评, 发现弹多过赞㖞~但我食完又觉得唔系太差, 当然亦唔可以话好好, 但总括黎讲, 不过不失。 蟹脚: 几好食,好多餐厅到整到好鬼咸, 但呢间D蟹脚几好味, : 但REFILL得较慢 翡翠螺: 前后拎左10粒, 当中3粒系有沙既......但要赞一赞,呢度有中式海鲜酱比你沾螺,好好味, 其它酒店餐厅好少提供 生蚝: 蚝吧度有师傅即开, 感觉生鲜D, 但D蚝唔够肥, 食落无好"鲜味"既感觉, 但D蚝都食得过, 好多酒店餐厅食$300几蚊BUFFET都无蚝, 呢度算系咁~冻盘仲有熟虾同埋青口, 但我无食。 剌生: 有4款, 三文鱼OK, 但其它3款(吞拿鱼, 八瓜鱼, 魶鱼) 好似无乜味............. 寿司: 哇...D饭又散又硬...... 和牛: 似普通牛肉, 但都OK既~ 每人送一客, 由侍应递上热盘: 有14款, 包括鹅肝焗带子, 蒸鱼, 羊脾, 西柠鸡, 炒饭, 炆冬菇, 其它唔系好记得, 因为无食到, 我大约7PM去拎呢D热盘食物食, 但我拎左数款, 但无一款系"暖" (因为无期望系会"热"), 全部都冻冻地.
但我食完又觉得唔系太差, 当然亦唔可以话好好, 但总括黎讲, 不过不失。
蟹脚: 几好食,好多餐厅到整到好鬼咸, 但呢间D蟹脚几好味, : 但REFILL得较慢
翡翠螺: 前后拎左10粒, 当中3粒系有沙既......但要赞一赞,呢度有中式海鲜酱比你沾螺,好好味, 其它酒店餐厅好少提供
生蚝: 蚝吧度有师傅即开, 感觉生鲜D, 但D蚝唔够肥, 食落无好"鲜味"既感觉, 但D蚝都食得过, 好多酒店餐厅食$300几蚊BUFFET都无蚝, 呢度算系咁~
冻盘仲有熟虾同埋青口, 但我无食。剌生: 有4款, 三文鱼OK, 但其它3款(吞拿鱼, 八瓜鱼, 魶鱼) 好似无乜味.............
寿司: 哇...D饭又散又硬......
和牛: 似普通牛肉, 但都OK既~ 每人送一客, 由侍应递上
热盘: 有14款, 包括鹅肝焗带子, 蒸鱼, 羊脾, 西柠鸡, 炒饭, 炆冬菇, 其它唔系好记得, 因为无食到, 我大约7PM去拎呢D热盘食物食, 但我拎左数款, 但无一款系"暖" (因为无期望系会"热"), 全部都冻冻地........
仲有几款烧味, 烧牛肉, 1个中汤(好好味), 1个西汤, 面包+牛油, 沙律吧(但好似无罗马生菜), 几款芝士+饼干, 朱古力喷泉, 即煮生滚粥, 即煮意粉/螺丝粉, 即煎PANCAKE 及 梳夫厘
生果: 哈蜜瓜, 西瓜, 菠萝, 火龙果甜品: 一般甜品, 但雪糕只系细杯装牛奶公司,另有两款要"笔"既雪糕, 呢个我无留意个牌子, 唔知系咪都系牛奶公司呢, 而唔怕甜既朋友可以试下食香蕉奶皇酥, 木糠布甸, 我觉得好好味~ 但个笑口枣好硬....我咬唔开....吐返出黎....
任饮: 热咖啡, 奶茶, 柠茶, 杂菜汁, 冻柠茶(似雀巢果D), 好多酒店餐厅食BUFFET都只系包一杯野饮, 呢度任饮,都算系咁~我今晚用AEON卡付款, 仲有85折, 原价HK$358(星期五价钱), 折完HK$340.10, 由6:30PM食到8:00PM已经食到要停手,超饱。
整体黎讲, $300零蚊, 有蚝食, 有唔太咸既蟹脚, 翡翠螺, 饮品有几款野任饮, 都算多野食, 虽然唔系样样都好好食, 但都不过不失。
张贴
