一家

营业中

休息中

晚上嚟左呢间上海菜馆食晚饭。先叫左两杯冬日限定特饮，冬日暖阳就落左柑橘糖浆、蜂蜜、鲜姜、四季橘、葡萄柚、迷迭香、焙茶，成杯暖笠笠送上。白雪茫茫就落左姜糖浆、红豆、牛奶、生姜、蜜饯姜，饮落姜味唔算好突出，似系甜味适中嘅红豆牛奶冰。小食叫左臭豆腐，闻落几臭，食落就唔太觉，炸得好酥脆，可以配啲豆瓣酱同甜酱。另外叫左外婆红烧肉配流心蛋，红烧肉粒粒层次分明，流心蛋一开二，蛋黄做到流心效果。最后叫左石窝咸肉菜炒饭，系天气冻冻地时候食几暖胃。整体嚟讲食物正常，餐厅环境几开扬，坐得舒服。