紅星餐廳

营业中

休息中

晚上嚟左呢间好有气氛嘅西餐厅，嚟个阵系圣诞节期间，周围都有圣诞装饰，好有气质。凯撒沙律，表面加左芝士片、烟肉碎粒、提子干，沙律菜几新鲜，而且份量几多。焗酥皮餐汤，即叫即焗，酥皮好有层次，餐汤几creamy。主食点左三款。美国安格斯牛肉眼扒配黑松露酱烧汁，牛肉眼扒有8安士重，配左薯蓉同秋葵。牛肉眼扒肉味几浓，黑松露酱点少少就好香，薯蓉入口几滑。宝云酥挪威鲜三文鱼配山葵芥末籽蜜糖忌廉汁，都系配左薯蓉同秋葵。三文鱼煎封得几香脆，鱼肉仲keep到滑身，唔错。另一款都系叫左鱼肉类，镬仔烩香煎鲈鱼扒配红糙米饭。呢个鱼配左意大利蕃茄蓉酱，蕃茄蓉酱系鲜茄味，鲈鱼扒块鱼皮煎封到香脆。除左主食，仲有串烧可以叫，焗大啡菇几juicy。最后甜品叫左西班牙巴斯克焦香芝士蛋糕，旁边仲有星星造型，芝士味几浓。餐饮点左热鲜橙茶，冬日饮就暖笠笠。