FIGS Bistro Mediterranean & Apero Terrace Bar

营业中

休息中

晚餐$338 per head, 都有几多嘢食。👌🏼蕃茄面包配火腿蕃茄蓉细细粒粒几清新，面包非常非常脆，直头系好似薯片𠮶种脆，少少㶶，又硬。火腿味道OK。💯🥰红菜头生带子莎莎酱：呢个整得几好味，系有啲麻油味再加酸酸甜甜嘅汁，又有细细嘅红菜头同葱粒嘅感觉。带子本身冇咩味，但有新意又好味。🤔炸火腿芝士丸：普普通通冇咩特别🥰蒜蓉虾：味道唔错，蒜蓉味非常浓烈。👌🏼无花果鹅肝多士：鹅肝生熟程度整得唔错，唔会过熟。不过连埋面包就食唔到鹅肝脆脆地皮𠮶种口感。个人觉得分开食比较好。😋芝士黑松露Bikini：几浓郁嘅黑松露味，又有烟烟韧韧嘅芝士口感。面包煎得脆脆地，味道唔错。❌西班牙海鲜饭：呢个麻麻哋。冇一般西班牙果种海鲜味或者系虾汤味。😋西班牙烧乳猪：一碟得三片，份量有啲少。不过个皮整得非常薄脆，肉质OK。味道唔错。👌🏼香海鲈鱼配香草酱：香草酱比较似中式嘅葱油酱。鲈鱼都滑。味道正常。🤔甜品：芝士蛋糕同香蕉蛋糕，普普通通冇咩特别。总结系除咗西班牙海鲜饭唔推介，其他都OK。环境： ★★★☆☆ 食物： ★★★☆☆ 性价比： ★★★★☆ 推介度： ★★★☆☆