四寶食堂

营业中

休息中

今晚来铜锣湾行街，又来到我最钟意嘅茶餐厅<四宝食堂>，最钟意佢呢度嘅西式晚餐dinner set，好食又唔贵，如果唔食set dinner嘅扒餐，又可以食佢哋嘅常餐，真系有好多选择。<板烧美国顶级封门牛柳配炸薯条及炒什菌>封门牛柳份量超级多，有成六件，每一块都有一定嘅厚度，咬落去肉质鲜嫩，牛味够，茶餐厅来讲，能做到五成熟，真系非常之有质素。<红酒野菜烩羊膝配牛油粟米兰花苔>羊膝做得好惹味，煮得够淋，能够做到骨肉分离，非常好食。<招牌热狗>呢度嘅热狗系即叫即做，15蚊一个，非常抵食，因为入面有两条肠㗎!!~<鸡翼薯条>呢度嘅鸡翼薯条，每一只鸡翼都炸得胀卜卜，而且佢哋嘅皮亦都非常之薄，咬落去仲带有肉汁，非常好食，而佢哋嘅薯条都系即叫炸，炸得非常金黄香脆。饮品叫左<柠檬桂花蜜糖冰茶>，入口清甜带有微微的桂花蜜糖香味，<朱古力雪山>，带有香甜嘅朱古力味道，同埋上面仲有一大旧cream，好啱朱古力控！！～其实<四宝食堂>仲有好多其他快餐常餐嘅选择，下次可以再来试下。