上海婆婆 (已結業)

今次系我第一次试葵芳呢间分店，结果大失所望，食物都其次，service真系差到冇人有。可能因为星期六的关系，都好多人等位，廿分钟左右有位。两小口子叫左镇江肴肉，小笼包，京酱牛肉配叉子烧饼，同埋上海粗炒。小笼包最好味，皮薄馅靓。镇江肴肉的肉太大旧，醋又唔好味，感觉有啲漏。京酱牛肉真系得啲肉，就算夹埋烧饼食都好漏，如果多番啲京葱炒会好好多。上海粗炒味道ok，但太多油，虽然食上海嘢预左会多油，但真系too much!! 食物质素麻麻都算喇，下次唔去咪得啰，service真系差到呢！啲侍应一边落单一边同同事讲嘢，好！冇落错单就算啦！埋紧单时，一个著白恤衫类似部长or经理的黎执枱，点知佢整跌左只油淋淋的筷子系我个袋到，而佢的反应系若无其事咁讲：「唔好意思㖞！」，之后继续执枱，完全冇要帮手的意思。我问佢有冇消毒湿纸巾，回应系「冇㖞！唔好意思！」，丢左张纸巾系枱就走左去，再问其他侍应先识俾杯水我抹嘢，真系火都黎埋。就算啲嘢食几好食，啲service差成咁，弥补唔到啰！更何怳唔好食，我捻我一定唔会再去！