盛八食堂 (已結業)

喺supermarket行到咁上下，见到原来有间蛋包饭，睇到menu好似都正正常常，个名又好似听过吓咁，于是就即管试吓啦。我地三个人嗌咗一个龙虾汤，一个黑松露忌廉汤，一个鸡同一个蟹饼嘅蛋包饭，仲有一个黑松露多士。首先黎嘅肠仔都算正常，再黎碗个龙虾汤嘅时候，见个卖相都ok啦，仲懒cute咁画咗个笑哈哈，点知饮落去先知濑野，咸到爆X_X我地即刻同个waiter讲，佢都好好人咁话换过碗比我地睇吓会唔会好啲。好啦谂住比多次机会佢，但系都真系唔掂，淡就系淡咗喇，但系好明显系好似沟过水咁，超难饮。碗黑松露汤仲衰，原全系用味精粉开水冲出黎咁嘅味。好彩啲waiter见我地掂都唔想掂碗汤，都主动话帮我地cancel咗个order去。算啦我地谂住呢间野话晒都系食蛋包饭为主，可能啲主菜会ok番啲呢。Turn out啲饭系正常嘅，但未至于好食啰。而个多士都系啲味精超劲，得个咸字，同埋佢又揾张纸垫住个包，一切开下面张纸就搞到溶溶烂烂咁，黐住晒个包，好鬼核突，食咗三份一都唔想再食。我自问对食嘅要求都唔算好高，但系喺香港真系好小可食到啲咁难食嘅野，搞到我一番屋企都即刻开个openrice account抒发吓lol