千房 (已結業)

旺角Top 呢個商場開左一段時間，最近的鋪頭開齊，終於都帶動多點人氣，又係最適合在這裏搵食加shopping。我買完聖誕禮物，誤打誤撞咁見到4 樓呢間千房，有得DIY 燒餅咁特別，入去試一試餐廳每一張枱都有鐵板，食物上菜時侍應會放在鐵板上，確保食物還是熱的。大阪燒DIY 教整方法，其實好簡單仲有個計時器，確保每四分鐘可以反轉，好細心。我好努力咁攪特盛海鮮大阪燒半整成品加埋醬汁，沙律醬，紫菜碎，木魚片，完成，賣相都唔差啦。味道方面，醬汁沙律醬同木魚片係好夾的，值得一提，木魚片係任加的。我地仲點左豚平燒，芝士烤蘆筍波菜同鐵板燒魷魚鬚，蘆筍新鮮，芝士味超濃，魷魚鬚惹味。我地食完大約八點，餐廳連bar 枱位都坐滿，仲有少量人排隊，看來餐廳人氣旺盛。