影片
更多
2010-10-14
109 浏览
10-10-2010喺饮食杂志见到关于呢度的介绍, 觉得应该系似样的西餐厅, 是日一行 4 人订定台嚟试试. Set dinner 唔太吸引, 唯有全数 a la carte 吧, 最后叫了一人一 main, 再 share 食 2 款 starters 及 4 款甜品, 我又另叫了一个汤独饮, 食物整体又不错㖞:-Starter #1 Garlic prawns: 刚好一人一只, 虾肉爽口结实, 蒜片就够味但脆得有点硬; 不过两者各自各精彩的, 加上浸了下面份量太多的 olive oil, 油湿湿的, 唔算十分喜欢.Starter #2 白酒蒜蓉煮蚬: 阿爸阿妈猛话 d 蚬细只, 我就觉得最大问题系 herbs (系 basil leaf?) 味太抢, 汁液又离奇地有点酸涩, 蚬仔鲜味又一般, 即使火喉刚好都唔好食.汤系 lobster bisque: 质地杰身, 饮落浓度一般, 不过都有点虾膏及虾壳味, 亦有爽口的粒粒龙虾肉, 比福佬村道𠮶间的 (http://www.openrice.com/restaurant/commentdetail.htm?commentid
10-10-2010
喺饮食杂志见到关于呢度的介绍, 觉得应该系似样的西餐厅, 是日一行 4 人订定台嚟试试. Set dinner 唔太吸引, 唯有全数 a la carte 吧, 最后叫了一人一 main, 再 share 食 2 款 starters 及 4 款甜品, 我又另叫了一个汤独饮, 食物整体又不错㖞:-
Starter #1 Garlic prawns: 刚好一人一只, 虾肉爽口结实, 蒜片就够味但脆得有点硬; 不过两者各自各精彩的, 加上浸了下面份量太多的 olive oil, 油湿湿的, 唔算十分喜欢.
Starter #2 白酒蒜蓉煮蚬: 阿爸阿妈猛话 d 蚬细只, 我就觉得最大问题系 herbs (系 basil leaf?) 味太抢, 汁液又离奇地有点酸涩, 蚬仔鲜味又一般, 即使火喉刚好都唔好食.
汤系 lobster bisque: 质地杰身, 饮落浓度一般, 不过都有点虾膏及虾壳味, 亦有爽口的粒粒龙虾肉, 比福佬村道𠮶间的 (http://www.openrice.com/restaurant/commentdetail.htm?commentid=1991582) 好少少, 算系咁的; 旁边的 toast 反而好好食, 应该涂了少少橄榄油先烘/焗, 食落又香又脆, 正
Main #1 Spaghettini with prawns in anchovy sauce: 呢碟系细佬的主食, 所以只试了少少 spaghettini (我又唔觉得佢幼过 spaghetti 好多...), anchovy sauce 香到呢 质地 al dente 得很, 亦「挂汁」得很, 好好食㖞
Main #2 Linguine with clams: 阿妈的主食, 所以又系只试了少少蚬及 pasta (餐牌明明写 "linguine", 点解嚟到变了 "spaghetti"?)... 酱汁系 cream sauce, 食落香滑又唔饱腻, pasta 亦同上述 spaghettini 一样又「挂汁」又 al dente, 正 Clams 就嫩滑无沙又鲜甜, 配 cream sauce 比 starter 的所谓「白酒蒜蓉」好食得多!
我就食 slow-cooked French game hen: 卖相普通, 但鸡肉煮得极嫩, 食落带点带 rosemary 香, 连鸡皮都系松脆唔油的, 正! 旁边的 grilled veggies 微㶶, egpplant 够香口, 中间够软熟, 红椒就无食了 仲有炸 potato wedges, 食落少少辣, 味道似足某 burger 店的 spicy fries (http://www.openrice.com/restaurant/commentdetail.htm?commentid=2034241), 薯肉粉软, 亦炸得唔油, 好食㖞.
Main #4 Rack of lamb: 阿爸要求「5 成熟」(其实即系点?), 嚟到就系 medium-rare, 粉红色的肉卖相劲吸引, 食落羊味一般, 但质地嫩腍细致又 juicy, 好好食㖞 店方亦预先涂了少少 mint 味的酱, 味道唔会太抢, 不过羊架本身做得咁好, 就咁食已够好食了. 4 款 main 我觉最好食系佢, 值得试试.
咸食不错, 不过甜品就做得麻麻了:-
Creme brulee: 面层焦糖够薄脆香甜, 但唔够热㖞 下面的 custard 就劲嚡, 仲要系冰冻的, 真系 唯一好处, 应该就系甜度唔高, 无咁饱腻?
Souffle: 都唔松唔「一阵风」, vanilla 味又淡淡的, 唔好食.
Molten chocolate cake: 心太软几时都系稳阵之选, 呢度的亦可幸无穿无烂... 蛋糕焗得有点太干身, 食落较嚡; 不过中间的确软心, 朱古力 sauce 亦几香浓, 甜度刚好, 配上奶味几重又够幼滑的呍呢嗱雪糕, 都几难唔好食吧.
Apple pie: 其实系 apple tart a la mode, 啱晒我 酥皮做得松脆, 不过苹果片系本身劲酸, 又无 caramelised 过的青苹果, 虽然食落几清爽, 但酸到呢 好在有球香滑呍呢嗱雪糕「加甜」一下!
最后亦叫了杯 caffe latte, 咖啡底够浓够香又够啃, 不过太苦涩了, 奶味亦太唔够, 面头松散奶泡仲要「洗洁精」一样, 作为一杯 caffe latte 太讨厌了, 唯有当佢普通咖啡饮就算.
咸食不错, 环境就昏昏暗暗的, 而是日同场食客太嘈了, 其实出街食饭讲嘢点解要咁大声? 招呼就一般, 明明订了「4 位」台, 入到去店内又明明得两台客, 店员却左顾右盼, 跟住问我哋「介唔介意」坐门口𠮶张 4 人台 虽然大家坚持下终于唔使看门口了, 但安排有无混乱 d 呀? 不过店员们态度都 ok 的, 算吧.
整体印象不错, 连加一埋单每人约 $255 绝对唔贵 (其实唔明点解有人觉得喺九龙城食过百蚊西餐叫「贵」/「唔抵食」, 去尖沙咀饮 4 杯 30 几 40 蚊的「星」字头连锁「咖啡味水」又好抵吗?), 亦几开心九龙城终于多一间似样的西餐厅, 会再来的.
张贴
