鮮選壽司 (已結業)

如果想揾一个坐得舒服嘅午膳地方，鲜选寿司就好适合啦。佢喺铜锣湾Donki入面，上一层电梯就到，环境光猛干净，座位阔落，同隔篱枱都会有充足嘅空间。员工亦都比较多，唔会好难先揾到人去serve落单系用平板电脑，寿司同军舰都系逐件计，亦都有前菜、刺身、热食、烤物、甜品等。上菜就唔系平时嘅回转寿司形式，反而会将你点嘅嘢摆喺同一盘上，成个presentation都几靓。食咗三文鱼腩、海螺、池鱼都唔错，普遍质素我觉得比寿司郎更好，不过款式上就会比寿司郎或元气都少，亦都冇香口小食或者乌冬去填肚。午餐我哋平均每人$160，大约每人食咗10件寿司。