Downtown Hot Dog (已結業)

同朋友去荃湾睇戏，趁仲有少少时间食少少嘢先，拣咗Downtown Hot Dog。呢度有几款特定款式，另外都可以自己配搭唔同嘅热狗包同热狗肠。俾钱后等咗几分钟，热辣辣热狗就整好。费城芝士牛肉狗，即系芝麻热狗包配牛肉、洋葱、磨菇、芝士，跟住就用黑椒汁调味，啲馅都算丰富。个面包好似话系间嘢自己整，都算松软，牛肉同其他嘢夹埋一齐就几甜而带少少黑椒嘅辛辣，不过因为芝士都几多，再加上啖啖肉，食吓食吓都几漏。另外加钱要埋汽水及薯条，薯条系粗身有少少似triple O𠮶种，加上𠮶日系啱啱炸起，所以都唔会难食。